關於我們

　　大家好！今日要同大家介紹一下 “華昌行” 呢三個字既歷史， 如果你知道佢既歷史後，自然買起瓷磚時，就會擁有埋這段情，這段故事，現今香港這個地方來講，鋪租貴。人工貴，想做得住已經好難，要做得長就更加難。所以見到有好多行家，做幾年就無端端唔見咗人又或者執左笠，好難好似以前咁有個"金漆招牌"，一做就做幾十年。

　　關於 “華昌行” 這個老字號，到今日為止已經經營了 60年，好多退休既老裝修師傅，維修工程師傅，無人唔識，亦幫襯左幾十年。

　　好似我自己咁，同好多行家一樣，二十幾歲剛剛出來做Sales，都是搵“華昌行”攞辦搵貨賣俾啲客，後來自已開始儲到小小本錢先可以開檔做生意。相信有好多行家都同我一樣有咁既經歷。所以話今時今日已經好難搵到一間咁有歷史背景既鋪頭。

　　今時今日既“華昌行”不可能仍做住60年前的模式，要將過往輝煌的經歷轉化成現代模式，所以大家今天會見到我地網購既出現，因為我地好想將最好既產品帶俾所有人知道，唔會好似以往咁，局限住要到鋪頭先可以睇到實物，又要就時間又要山長水遠。而且無論鋪頭有幾大都好，都無法展示出成千上萬款產品，所以通過網購平台，就等同有無限既空間，有用之不盡的展示平台，令所有人都可以搵到自已想要既磁磚。

　　市面上賣瓷磚既網站多不勝數，但佢地都以一個虛擬模式經營，有部分係工廈設立一個辦工室擺設樣板，有部份就只有一部Notebook，作家庭式經營。各種方式都走唔出一個"慳"字，即不投入成本，等訂單再叫工廠出貨。咁做會出現一個問題就係沒睇過實物，就算你肯支付樣板費，想先睇板，有可能當樣板寄到客人身上睇完後相隔一段時間，工廠既存貨已被其他人買走，無貨了，呢種拖拖拉拉，前前後後的工作都會令到客人無辦法可以連接性去決定適當既瓷磚，到左自己想決定時，又話無貨，要揀另一款，這就是因為一般網購不需要成本的缺點。

　　但你如果作為一個新業主，只係上網睇幾張圖片，就能夠判斷所揀的瓷磚係適合自己，咁做真系一個好危險的行為，因為萬一裝修師傅一開始左鋪磚，鋪完之後自己又唔鍾意，但其他裝修部份又已經完成，要更換瓷磚係一件非常重成本既行為，又要拆過哂又要重新鋪。所以揀瓷磚最基本是有件實物去判斷先可以用得安心。

　　但"華昌行"就完全唔同，因為我們係香港設立左倉庫，會先將部份材料存放在香港倉庫，因此門市亦有足夠嘅樣板以供參考，當客戶需要數量唔多既情況下，我地可以先提供基本用量，如果超出存貨的話，就會安排工廠三天內補貨，這種做法非常安全，非常簡單，亦非常快捷，撇除了以上所有出現的不明朗因素，不會令到自己所挑選嘅瓷磚懵查查用咗。

 

　　由於有樣辦在門市，亦有貨在香港倉庫，工廠亦有大量存貨，這一條龍的服務，是一般網購不能取代。

　　另外，當你係網購上睇中了一款瓷磚，並已落單訂購，但你不知道這次款磚的真實效果時，可以自己親身到門市確認多次自己所揀的款式是否啱心水，萬一當發現自己所揀的款式不適合時，可以隨意更換另外一款適合自己的款式頂借及改訂貨，咁就可以更改自己的訂購單而無需額外收費，這種做法就是實體店加網購所產生出來的協同效應，令到自己更加安心可以選購一個非常合適的選擇。

 

　　總括而言，香港人生活繁忙未必有時間得閒去行街睇磚，華昌行正正因為明白客人有咁既需要先會設立網站方便大家。客人可以收工攤係張床到慢慢睇磚，有咩唔明仲可以Ｗhatsapp留言比我地解決你既困難。我地已經有60年既瓷磚經驗，加上一條龍服務，一定會令到客人睇得開心，住得開心。